ਮੌਤ ਨੂੰ ਆਖ਼ ਸਮਾਧੀ, ਘਾੜਤਾਂ ਘੜਦੇ ਨੇ
ਲਾਸ਼ਾਂ ਤੇ ਵੀ ਲੋਕ ਸਿਆਸਤ ਕਰਦੇ ਨੇ।
ਲਾਸ਼ਾਂ ਤੇ ਵੀ ਲੋਕ ਸਿਆਸਤ ਕਰਦੇ ਨੇ।
ਉਸ ਨੂੰ ਕਿੱਥੋਂ ਮਿਲਣੀ ਢੋਈ ਮਰਕੇ ਵੀ
ਬਾਦਲ-ਕੈਪਟਨ ਜੀਹਦੀ ਉਸਤਤ ਕਰਦੇ ਨੇ।
ਇਸ ਬੇਰੀ ਤੋਂ ਆਸ ਨਾ ਬਹੁਤੀ ਰੱਖ ਬੀਬਾ
ਇਸ ਬੇਰੀ ਤੋਂ ਕੰਡੇ ਹੀ ਬੱਸ ਝੜਦੇ ਨੇ।
ਜਦ ਕਦੇ ਕੁਰਸੀ ਨੂੰ ਹਿੱਲ੍ਹਣ ਆਇਆ ਏ
ਚੜ੍ਹ ਕੰਧੇੜੀ ਲੋਕਾਂ ਦੇ ਪੁੱਤ ਮਰਦੇ ਨੇ।
ਏਸ ਭੀੜ ਵਿੱਚ ਕੋਈ ਹੀ ਸਿਰ ਵਾਲਾ ਹੈ
ਏਸ ਭੀੜ ਦੇ ਸਿਰ ਤੇ ਹੀ ਚੰਨ ਚੜ੍ਹਦੇ ਨੇ।
ਪੜ੍ਹਿਆ ਕਰੋ 'ਗੱਗ-ਬਾਣੀ' ਭੋਲਿਓ ਲੋਕੋ ਵੇ
ਇਹ ਨਾ ਸੋਚਿਓ ਅੱਜ ਦੇ ਸ਼ਾਇਰ ਡਰਦੇ ਨੇ।
No comments:
Post a Comment