ਜਦ ਵੀ ਆਵੇ ਗੁੱਸਾ, ਗੁੱਸਾ ਪੀ ਜਾਂਦਾ ਏ
ਅਪਣੇ ਆਪ ਨੂੰ ਸਾੜ ਕਿਸੇ ਦਾ ਕੀ ਜਾਂਦਾ ਏ।
ਇਸ ਦਰਿਆ ਦੀਆਂ ਮੱਛੀਆਂ ਦੇ ਵਿੱਚ ਕੰਡਾ ਨਹੀਂ
ਇਸ ਦਰਿਆ ਨੂੰ ਤਦੇ ਹੀ ਸਾਗਰ ਪੀ ਜਾਂਦਾ ਏ ।
ਉਹ ਆਖਣ ਕਿ ਅਧੀਆ ਪੀ ਕੇ ਲਿਖਦਾ ਹੋਊ
ਕੀ ਜਾਣਨ ਕਿ ਲਿਖਿਆ ਏਦਾਂ ਵੀ ਜਾਂਦਾ ਏ।
ਕੋਣ ਸਿਆਸਤ ਸਮਝੇ ਕਾਣੇ ਬਾਦਲ ਦੀ
ਵਰ੍ਹਦਾ ਜਿਸ ਦਰਿਆ ਤੇ ਉਹਨੂੰ ਪੀ ਜਾਂਦਾ ਏ।
ਇਸ ਰਸਤੇ ਨਾ ਚੱਲ ਇਹ ਰਸਤਾ ਆਮ ਨਹੀਂ
ਕੈਸਾ ਸਨਕੀ ਸ਼ਾਇਰ, ਓਧਰ ਹੀ ਜਾਂਦਾ ਏ।
‘ਗੱਗ-ਬਾਣੀ’ ਵਿੱਚ ਲਿਖਿਆ ਸਭ ਬਕਵਾਸ ਕਹਿਣ
ਵਿਹਲਾ ਏ ਕੋਕੇ ਤੇ ਕੋਕਾ ਜੜੀ ਜਾਂਦਾ ਏ।
No comments:
Post a Comment