ਅੱਧਾ ਕਿੱਲੋ ਖੰਡ, ਤੇ ਪਾਈਆ ਦਾਲ਼ ਲਿਆਵੀਂ
ਗੰਢੇ ਮਿਰਚਾਂ ਨਾਲ ਲਿਆਵੀਂ
ਜੇਕਰ ਬਚ ਗਏ ਬਾਕੀ ਪੈਹੇ
ਦੋ ਕੁ ਟਮਾਟਰ ਲਾਲ ਲਿਆਵੀਂ।
ਗੰਢੇ ਮਿਰਚਾਂ ਨਾਲ ਲਿਆਵੀਂ
ਜੇਕਰ ਬਚ ਗਏ ਬਾਕੀ ਪੈਹੇ
ਦੋ ਕੁ ਟਮਾਟਰ ਲਾਲ ਲਿਆਵੀਂ।
ਟੁੱਟੀ ਹੋਈ ਐਨ੍ਹਕ ਦੀ ਡੰਡੀ
ਜੁੱਤੀ ਵੀ ਮੁਸਕਾਉਂਦੀ ਪਈ ਏ
ਪਿਛਲੇ ਕਈ ਸਾਲਾਂ ਦੇ ਵਾਂਗੂੰ
ਇਹ ਤਨਖਾਹ ਵੀ ਜਾਂਦੀ ਪਈ ਏ।
ਜੁੱਤੀ ਵੀ ਮੁਸਕਾਉਂਦੀ ਪਈ ਏ
ਪਿਛਲੇ ਕਈ ਸਾਲਾਂ ਦੇ ਵਾਂਗੂੰ
ਇਹ ਤਨਖਾਹ ਵੀ ਜਾਂਦੀ ਪਈ ਏ।
ਇਹੋ ਈ ਏ ਤਲਖ਼ ਹਕੀਕਤ
ਇਹਦੇ ਸਾਹਮਣੇ ਕਰਨੇ ਈ ਪੈਣੇ
ਇਹ ਤਾਂ ਡੋਲ਼ਾ ਚੁੱਕਣਾ ਈ ਪੈਣਾ
ਇਹ ਜ਼ੁਰਮਾਨੇ ਭਰਨੇ ਈ ਪੈਣੇ।
ਇਹਦੇ ਸਾਹਮਣੇ ਕਰਨੇ ਈ ਪੈਣੇ
ਇਹ ਤਾਂ ਡੋਲ਼ਾ ਚੁੱਕਣਾ ਈ ਪੈਣਾ
ਇਹ ਜ਼ੁਰਮਾਨੇ ਭਰਨੇ ਈ ਪੈਣੇ।
ਵਹੁਟੀ ਆਖੇ, ਬੰਦਿਆਂ ਵਾਂਗੂੰ
ਘਰ ਆਵੀਂ, ਨਹੀਂ ਤੂੰ ਵੇਖੇਂਗਾ
ਜੇ ਤੂੰ ਪੀ ਕੇ ਆਇਆ ਅੱਜ ਵੀ
ਮਰੀ ਹੋਈ ਦਾ ਮੂੰਹ ਵੇਖੇਂਗਾ।
ਘਰ ਆਵੀਂ, ਨਹੀਂ ਤੂੰ ਵੇਖੇਂਗਾ
ਜੇ ਤੂੰ ਪੀ ਕੇ ਆਇਆ ਅੱਜ ਵੀ
ਮਰੀ ਹੋਈ ਦਾ ਮੂੰਹ ਵੇਖੇਂਗਾ।
ਬੰਦਾ ਵੀ ਮਜ਼ਬੂਰ ਜਿਹਾ ਏ
ਦੁੱਖ ਫੋਲੇ ਤਾਂ ਕਿਸ ਨਾਲ ਫੋਲੇ
ਮੁਰਦਾ ਜਿਸਮ 'ਚ ਹਰਕਤ ਪਾਉਂਦੇ
ਪੰਜਾਹ ਦਾ ਪਊਆ, ਦਸਾਂ ਦੇ ਛੋਲੇ।
ਦੁੱਖ ਫੋਲੇ ਤਾਂ ਕਿਸ ਨਾਲ ਫੋਲੇ
ਮੁਰਦਾ ਜਿਸਮ 'ਚ ਹਰਕਤ ਪਾਉਂਦੇ
ਪੰਜਾਹ ਦਾ ਪਊਆ, ਦਸਾਂ ਦੇ ਛੋਲੇ।
ਦਿਮਾਗ ਦੀ ਨਾੜੀ ਫਟਣ ਤੋਂ ਪਹਿਲਾਂ
ਆਥਣ ਨੂੰ ਘੁੱਟ ਲਾ ਲੈਂਦੇ ਹਾਂ
ਏਦਾਂ ਧੋਣੇ ਧੋ ਲੈਂਦੇ ਹਾਂ
ਏਦਾਂ ਵਖ਼ਤ ਟਪਾ ਲੈਂਦੇ ਹਾਂ।
ਆਥਣ ਨੂੰ ਘੁੱਟ ਲਾ ਲੈਂਦੇ ਹਾਂ
ਏਦਾਂ ਧੋਣੇ ਧੋ ਲੈਂਦੇ ਹਾਂ
ਏਦਾਂ ਵਖ਼ਤ ਟਪਾ ਲੈਂਦੇ ਹਾਂ।
ਕਿਸ ਨੇ ਖਾ ਲਏ ਸੁਪਨੇ ਸਾਡੇ
ਭੋਗਿਆ ਕਿਸ ਹਨੀਮੂਨ ਅਸਾਡਾ
ਤੁਹਾਡੇ ਵੀ ਚੁੱਲ੍ਹੇ ਵਿੱਚ ਯਾਰੋ
ਬਲ਼ਦਾ ਹੋਣੈ ਖ਼ੂਨ ਤੁਹਾਡਾ।
ਭੋਗਿਆ ਕਿਸ ਹਨੀਮੂਨ ਅਸਾਡਾ
ਤੁਹਾਡੇ ਵੀ ਚੁੱਲ੍ਹੇ ਵਿੱਚ ਯਾਰੋ
ਬਲ਼ਦਾ ਹੋਣੈ ਖ਼ੂਨ ਤੁਹਾਡਾ।
ਹੋਰ ਕਿਵੇਂ ਦੇ ਆਵਣਗੇ ਦੱਸ
ਆਖਣ ਉਹ ਦਿਨ ਆ ਰਹੇ ਅੱਛੇ
ਤਨ ਦੇ ਲੀੜੇ ਲਾਹ ਕੇ ਲੈ ਗਏ
ਤੇੜ ਲਟਕਦੇ ਰਹਿ ਗਏ ਕੱਛੇ।
ਆਖਣ ਉਹ ਦਿਨ ਆ ਰਹੇ ਅੱਛੇ
ਤਨ ਦੇ ਲੀੜੇ ਲਾਹ ਕੇ ਲੈ ਗਏ
ਤੇੜ ਲਟਕਦੇ ਰਹਿ ਗਏ ਕੱਛੇ।
ਕੱਛੇ ਦੇ ਵਿੱਚ ਨਾੜੇ ਤੇ ਵੀ
ਲਿਖਿਆ ਭਾਰਤ ਮਾਤਾ ਦੀ ਜੈ
ਜੇ ਨਾ ਆਖਿਆ ਜੈ ਤਾਂ ਬੀਬਾ
ਇਹ ਕੱਛਾ ਵੀ ਲਹਿ ਗਿਆ ਲੈ।
ਲਿਖਿਆ ਭਾਰਤ ਮਾਤਾ ਦੀ ਜੈ
ਜੇ ਨਾ ਆਖਿਆ ਜੈ ਤਾਂ ਬੀਬਾ
ਇਹ ਕੱਛਾ ਵੀ ਲਹਿ ਗਿਆ ਲੈ।
ਬੇਰੁਜ਼ਗਾਰਾਂ ਵਰ੍ਹਦੀਆਂ ਡਾਂਗਾਂ
ਸਿੱਧੇ ਸਿਗਨਲ ਫੜਦੀਆਂ ਡਾਂਗਾਂ
ਪਿੰਡੇ ਉੱਤੇ ਲਾਸ਼ਾਂ ਬਣਕੇ
ਇਨਕਲਾਬ ਉੱਕਰਦੀਆਂ ਡਾਂਗਾਂ।
ਸਿੱਧੇ ਸਿਗਨਲ ਫੜਦੀਆਂ ਡਾਂਗਾਂ
ਪਿੰਡੇ ਉੱਤੇ ਲਾਸ਼ਾਂ ਬਣਕੇ
ਇਨਕਲਾਬ ਉੱਕਰਦੀਆਂ ਡਾਂਗਾਂ।
ਵੰਡੇ ਹੋਏ ਹਾਂ ਆਪੂੰ ਦੇ ਵਿੱਚ
ਏਨੀ ਗੱਲ ਭੁਲਾ ਲੈਂਦੇ ਹਾਂ
ਗਿੱਦੜ ਸਿੰਗੀ ਹੱਥ ਲੁਟੇਰਿਆਂ
ਅਪਣਾ ਆਪ ਲੁਟਾ ਲੈਂਦੇ ਹਾਂ।
ਏਨੀ ਗੱਲ ਭੁਲਾ ਲੈਂਦੇ ਹਾਂ
ਗਿੱਦੜ ਸਿੰਗੀ ਹੱਥ ਲੁਟੇਰਿਆਂ
ਅਪਣਾ ਆਪ ਲੁਟਾ ਲੈਂਦੇ ਹਾਂ।
ਚਿੱਟਾ ਮੱਛਰ, ਚਿੱਟਾ ਪਾਉਡਰ
ਚਿੱਟੇ ਦਿਨ ਇਹ ਦੱਸਦਾ ਪਿਆ ਏ
ਸਾਡੇ ਸੱਥਰ ਵਿਛਾਵਣ ਵਾਲਾ
ਰੰਗਾਂ ਦੇ ਵਿੱਚ ਵੱਸਦਾ ਪਿਆ ਏ।
ਚਿੱਟੇ ਦਿਨ ਇਹ ਦੱਸਦਾ ਪਿਆ ਏ
ਸਾਡੇ ਸੱਥਰ ਵਿਛਾਵਣ ਵਾਲਾ
ਰੰਗਾਂ ਦੇ ਵਿੱਚ ਵੱਸਦਾ ਪਿਆ ਏ।
ਫਿਰ ਵੀ ਅਸਾਂ ਨੇ ਆਸ ਨਹੀਂ ਛੱਡੀ
ਸੁਪਨੇ ਬੀਜੇ ਬੰਜਰ ਬਾਝੀਂ
ਦਮੂਖਾਂ ਬੀਜਣ ਵਾਲੇ ਵੀ ਤਾਂ
ਉੱਗਦਿਆਂ ਉੱਗੇ ਬੰਜਰ ਬਾਝੀਂ।
ਸੁਪਨੇ ਬੀਜੇ ਬੰਜਰ ਬਾਝੀਂ
ਦਮੂਖਾਂ ਬੀਜਣ ਵਾਲੇ ਵੀ ਤਾਂ
ਉੱਗਦਿਆਂ ਉੱਗੇ ਬੰਜਰ ਬਾਝੀਂ।
ਮਾਂ ਦਾ ਸਰਵਣ, ਰੀੜ੍ਹ ਪਿਓ ਦੀ
ਜਿਉਂ ਪ੍ਰਛਾਵੇਂ ਨਾਲ ਹੋਣਾ ਸੀ
ਕਾਹਨੂੰ ਕਿਸੇ ਪਨਾਮਾ ਜੰਗਲ
ਬੇ-ਪਹਿਚਾਣ ਕੰਕਾਲ ਹੋਣਾ ਸੀ।
ਜਿਉਂ ਪ੍ਰਛਾਵੇਂ ਨਾਲ ਹੋਣਾ ਸੀ
ਕਾਹਨੂੰ ਕਿਸੇ ਪਨਾਮਾ ਜੰਗਲ
ਬੇ-ਪਹਿਚਾਣ ਕੰਕਾਲ ਹੋਣਾ ਸੀ।
ਇਸ ਧਰਤੀ ਤੇ ਕੀ ਨਹੀਂ ਹੈਗਾ?
ਸਭ ਕੁੱਝ ਹੈ, ਪਰ ਖੋਹਣਾ ਪੈਣਾ
ਸੁਸਰੀ ਵਾਂਗੂੰ ਸੁੱਤੇ ਰਹੇ ਜੇ
ਰੋਂਦੇ ਈ ਆਏ, ਰੋਣਾ ਈ ਪੈਣਾ।
ਸਭ ਕੁੱਝ ਹੈ, ਪਰ ਖੋਹਣਾ ਪੈਣਾ
ਸੁਸਰੀ ਵਾਂਗੂੰ ਸੁੱਤੇ ਰਹੇ ਜੇ
ਰੋਂਦੇ ਈ ਆਏ, ਰੋਣਾ ਈ ਪੈਣਾ।
ਆਪੇ ਈ ਹਿੰਮਤ ਕਰਨੀ ਪੈਣੀ
ਆਪੇ ਈ ਦੋ ਹੱਥ ਹੋਣਾ ਪੈਣਾ
ਕਿਸੇ ਪੈਗੰਬਰ ਨੇ ਨਹੀਂ ਆਉਣਾ
ਆਪੇ ਈ ਢੂਹਾ ਧੋਣਾ ਪੈਣਾ।
ਆਪੇ ਈ ਦੋ ਹੱਥ ਹੋਣਾ ਪੈਣਾ
ਕਿਸੇ ਪੈਗੰਬਰ ਨੇ ਨਹੀਂ ਆਉਣਾ
ਆਪੇ ਈ ਢੂਹਾ ਧੋਣਾ ਪੈਣਾ।
