ਕਤੀੜ੍ਹ

ਖਾਲਸਾ ਜੀ
ਆਪਣੀ ਕਤੀੜ੍ਹ
ਸਾਂਭ ਕੇ ਰੱਖਿਆ ਕਰੋ

ਤੇ ਪਰਖ ਲਿਆ ਕਰੋ
ਅੰਮ੍ਰਿਤ ਛਕਾਉਣ ਤੋਂ ਪਹਿਲਾਂ
ਇਹਨਾਂ ਦਾ DNA

ਕਿਉਂਕਿ
ਔਰੰਗਜ਼ੇਬ ਦੀ ਨਾਜਾਇਜ ਔਲਾਦ
ਪੱਗਾਂ ਬੰਨ੍ਹ ਕੇ
ਗਾਤਰੇ ਪਹਿਨ ਕੇ
ਪੰਜੇ ਕੱਕਾਰਾਂ ਦੀ ਧਾਰਨੀ ਹੋ ਕੇ ਵੀ
ਨਹੀਂ ਛੱਡ ਸਕੀ
ਅਪਣਾ ਮੂਲ

ਕਿਤੇ ਇਹ ਨਾ ਹੋਵੇ
ਕਛਹਿਰੇ ਲਾਹ ਕੇ
ਟੰਗ ਦੇਣ
ਨਿਸ਼ਾਨ ਸਾਹਿਬ ਦੇ ਬਰਾਬਰ

ਤੇ ਐਲਾਨ ਕਰ ਦੇਣ
ਖਾਲਸਾ ਨਿਆਰਾ ਹੀ ਹੁੰਦਾ ਹੈ

ਏਸ ਨਿਆਰੇ ਖਾਲਸੇ ਨੂੰ
ਸੰਗਲੀ ਪਾ ਕੇ ਰੱਖੋ

ਇਸ ਦੀ ਚਊਂ- ਚਊਂ
ਘੋਲ ਰਹੀ ਹੈ
ਫਿਜ਼ਾਵਾਂ ਵਿੱਚ ਜ਼ਹਿਰ

ਗੁਰੂ ਗੋਬਿੰਦ ਸਿੰਘ
ਇਨ੍ਹਾਂ ਲਈ
ਨਾਮ ਦਾ ਹੀ ਗੁਰੂ ਹੈ

ਹਰ ਉਹ ਸ਼ਕਸ
ਜੋ ਇਹਨਾਂ ਵਰਗਾ ਨਹੀਂ ਦਿਸਦਾ
ਇਹਨਾਂ ਵਰਗਾ ਨਹੀਂ ਸੋਚਦਾ
ਇਹਨਾਂ ਅਕਲ ਦੇ ਦੁਸ਼ਮਣਾਂ ਦਾ
ਦੁਸ਼ਮਣ ਹੈ

ਗਰੰਥ ਸਾਹਿਬ
ਇਹਨਾਂ ਲਈ
ਅੰਨ੍ਹੀ,ਬੋਲ਼ੀ,ਗੂੰਗੀ ਅਤੇ
ਸੁਨੱਖੀ ਨਾਰ ਤੋਂ ਵੱਧ ਕੇ
ਕੁੱਝ ਵੀ ਨਹੀਂ

ਇਹਨਾਂ ਨੂੰ ਸਮਝਾ ਦੇਣਾ
ਖਾਲਸਾ ਜੀ
ਕਿ ਗੋਬਿੰਦ ਸਿੰਘ ਨੇ
ਦੇਸੀ ਘਿਓ ਦੀਆਂ
ਦੇਗਾਂ ਛਕਾਉਣ ਲਈ
ਸਰਬੰਸ ਨਹੀਂ ਸੀ ਵਾਰਿਆ

ਸੰਗਮਰਮਰੀ ਬੁੱਚੜਖਾਨਿਆਂ ਵਿੱਚ
ਸੋਨੇ ਦੀਆਂ ਕੰਧਾਂ ਅਤੇ ਦਰਵਾਜ਼ੇ
ਲਵਾਉਣ ਦਾ ਸ਼ਾਹੀ ਸ਼ੌਕ
ਔਰੰਗਜ਼ੇਬ ਰੱਖਿਆ ਕਰਦਾ ਸੀ

ਗੋਲ੍ਹਕਾਂ ਵੰਡ ਛਕਣ
ਦਾ ਸੁਨੇਹਾ ਦਿੰਦੀਆਂ ਸੀ
ਵੱਢ ਛਕਣ ਦਾ ਨਹੀਂ

ਖਾਲਸਾ ਜੀ
ਅੱਖਰ ਵਾਧ ਘਾਟ
ਮੁਆਫ਼ ਕਰਨਾ
ਜੇ ਸੱਚਮੁੱਚ ਦੇ ਖਾਲਸੇ ਹੋ
ਖਾਲਸਾ ਮੇਰੋ ਰੂਪ ਹੈ ਖਾਸ ਵਾਲੇ

ਨਹੀਂ ਤੇ
ਚਊਂ ਚਊਂ ਬੰਦ ਕਰਾਉ
ਅਪਣੇ ਭੌਂਕਿਆਂ ਦੀ

ਸਾਨੂੰ ਉਹ ਸਲੋਕ
ਬਿਲਕੁਲ ਵੀ ਪਸੰਦ ਨਹੀਂ
ਜੋ ਧਰਮ ਦੀ ਹਾਰ ਹੁੰਦੀ ਵੇਖ ਕੇ
ਉੱਚੀ ਉੱਚੀ ਉਚਾਰੇ ਜਾਂਦੇ ਨੇ।

- ‪ਗੱਗਬਾਣੀ‬