ਬੜਾ ਸੌਖਾ ਹੈ
ਲਿਖ ਲੈਣਾ
ਰੋਟੀ ਦਾ ਰਾਮ ਰੋਲ਼ਾ
ਢਹਿੰਦੀਆਂ ਛੱਤਾਂ ਦੇ ਕੀਰਨੇ
ਵਧਦੀ ਮਹਿੰਗਾਈ ਦਾ ਪਿੱਟ ਸਿਆਪਾ।
ਭ੍ਰਿਸ਼ਟਾਚਾਰੀਆਂ ਦੀ
ਮਾਂ-ਭੈਣ ਇੱਕ ਕਰਦਿਆਂ
ਸਾਨੂੰ ਪਤਾ ਹੀ ਨਹੀਂ ਰਹਿੰਦਾ
ਅਸੀਂ ਕਹਿਣਾ ਕੀ ਚਾਹੁੰਦੇ ਹਾਂ?
ਜਦੋਂ ਬਹੁਤ ਉਦਾਸ ਹੁੰਦੇ ਹਾਂ
ਅੰਦਰ ਤੂਫ਼ਾਨ ਨੱਚ ਰਿਹਾ ਹੁੰਦੈ।
ਸਾਡੀਆਂ ਕਵਿਤਾਵਾਂ ਨੂੰ
ਪਰ ਨਹੀਂ ਲੱਗੇ।
ਸਾਡੇ ਗੀਤਾਂ ਨੂੰ
ਸਰਸਵਤੀ ਦੇ ਦਰਬਾਰੀਆਂ ਨੇ
ਬਗਾਵਤੀ ਸੁਰਾਂ ਵਾਲੇ
ਕੂੜੇਦਾਨ ਵਿੱਚ ਉਲੱਦ ਦਿੱਤਾ ਹੈ।
ਤੇ ਅਸੀਂ ਬਰਸਾਤ ਦੀ ਟਿੱਪ-ਟਿੱਪ ਵਿੱਚ
ਭਿੱਜ ਕੇ ਵੀ
ਅਭਿੱਜ ਹੀ ਰਹੇ
ਸਾਉਣ ਦੇ ਗੀਤ ਗਾਉਣ ਤੋਂ।
ਮਹਿਬੂਬ ਦੀਆਂ ਜ਼ੁਲਫਾਂ
ਸਾਡੇ ਲਈ
ਉਲਝਿਆ ਸਵਾਲ ਹੀ ਰਿਹਾ।
ਮੁਆਫ਼ ਕਰੀਂ
ਐ ਜ਼ਿੰਦਗ਼ੀ
ਤੂੰ ਸਾਡੇ ਲਈ
ਇੱਕ ਬੁਝਾਰਤ ਤੋਂ ਵਧਕ
No comments:
Post a Comment